مش بهيمة
تحذير: الصفحة دي فيها بهايم

خليك سواق
مش بهيمة

هنا بنحوّل مواقف السواقة اليومية في شوارعنا لحكايات كرتونية ساخرة مع بهيمة وعربيته الحمرا.

تابعنا على إنستجرام شوف الحلقات

قواعد البهيمة

ست حاجات لو بتعملها في الشارع، فالصفحة دي عنك. ولو بطّلتها، مبروك: بقيت سواق.

القاعدة 1

الإشارة حمرا؟ يعني قف.

مش اقتراح، ومش وقت تفكير. والكلاكس اللي وراك مش هيخليها خضرا أسرع.

البهيمة بيزمّرالسواق بيستنى
القاعدة 2

الحارة التالتة مش موجودة.

الطريق حارتين. إنت اخترعت حارة في النص. رجّعها للناس.

البهيمة بيخترعالسواق بيلتزم
القاعدة 3

الإشارة ببلاش.

موجود في كل عربية. استخدمه قبل ما تلف، مش وإنت بتلف، ومش بعد ما تلف.

البهيمة بيفاجئكالسواق بينوّر
القاعدة 4

الموبايل في جيبك.

الرسالة هتستنى. الطريق لأ. واللي قدامك مش هيستنى هو كمان.

البهيمة بيكتبالسواق بيبص
القاعدة 5

خط المشاة مش باركينج.

لو واقف على الزيبرا، الناس هتعدي من فوق عربيتك. وهيبقى عندهم حق.

البهيمة بيقف عليهالسواق بيقف قبله
القاعدة 6

النور العالي مش زينة.

لما تعمي اللي قدامك، هو مش هيشوف. وبعد ثانية، إنت كمان مش هتشوف.

البهيمة بيعميالسواق بيوطّي

آخر الحلقات

كل حلقة تصرف واحد من الشارع، مرسوم ومضحك. الحلقات بتنزل على إنستجرام وتيك توك.

بهيمة بالأرقام

الناس اللي بتتابع بهيمة على كل منصة. آخر تحديث للأرقام: 23 أكتوبر 2026.

إنستجرام
62 ألفمتابع
5.5 مليونمشاهدة
@not.a.bahima
فيسبوك
65.4 ألفمتابع
2.5 مليونمشاهدة
not.a.bahima
يوتيوب
814مشترك
29.7 ألفمشاهدة
@not.a.bahima
تيك توك
41.5 ألفمتابع
96.5 ألفلايك
@bahima064
بهيمة داخل علامة المنع

مين بهيمة؟

خليك سواق مش بهيمة! هنا بنحوّل مواقف السواقة اليومية في شوارعنا لحكايات كرتونية ساخرة مع بهيمة وعربيته الحمرا.

من الركنة الغلط وتغيير الحارات للكلاكسات والاستعجال، بنضحك على التصرفات اللي كلنا بنشوفها، ونتعلم إزاي نسوق بذوق ونراعي بعض. محتوى بالمصري يجمع بين الضحك والتوعية.

تابعنا قبل ما تطلع الشارع

حلقة جديدة كل أسبوع. لو شفت بهيمة في الطريق، ابعتلنا الموقف وممكن يبقى الحلقة الجاية.